Careta...

PARAMASASTRA BASA MADURA

Okara basa Enggi-Bunten, Enggi-Enten.

EKON-PAKON MATTOWA

Mattowa    : "Ba’na entara ka dhimma?"

Anak          : "Abdina entara ka pasar ummi".

Mattowa    : "Entara ka pasar dhimma?"

Anak          : "Abdina entara ka pasar anom, e sumenep".

Mattowa    : "Ba’na melleya apa ka pasar?"

Anak       : "Abdina ekon-pakon sareng abah, epakon ngobange senjang, ajunan ta’ beng-ngobenganna  jugan?"

Mattowa    : "O...iya engko’ ro’ matoro’a wa’-buwa’an".

Anak          : "wa’-buwa’an ponapa ummi?"

Mattowa    : "Salak, Apel, moso rambutan."

 Anak         : "Saponapa ummi?"

Mattowa    : "Melleyagi 5 kilo".

Anak          : "Kaangguy ponapa ummi ma’ kose sabannya’na ngobange?"

Mattowa    : "O... ya onggu, engko’ loppae ta’ abala ka ba’na, daggi’ asar badha kompolan e dinna’, lakena ba’na badha dimma sateya?"

Anak          : "badha eteras ummi".

Mattowa    : "Olokagi, engko’ menta’a tolong".

Anak          : "Enggi, tinggal abdina terrosa, abdina nyo’ona edi".

Mattowa    : "Ya ya ya, te-ngate ejalan".

Anak          : "enggi ummi". (Sambi acabisa ka ummina), (ta’ abit mantona datang dhari lowar).

Manto        : "ka’dinto ummi, ca’epon panjenengan adikani abdina?"

Mattowa    : "iya".

Manto        : "Badha ponapa ummi?"

Mattowa    : "Engko’ menta’a tolong, cong!"

Manto        : "nyo’ona tolong ponapa ummi?"

Mattowa    : "Sengko’ menta’a tolong. Sapowagi amper reya. Paberse".

Manto        :  "Enggi ummi. Badha ponapa ummi ma’ abak perret?"

Mattowa    : "Dhaggi’ asar edinna’ badha kompolan!"

Manto        : "O...kompolan ponapa ummi?"

Mattowa    : "Rowa...kompolan pangajiyan. Mon mare esapowe san-mesan ampare teker!"

Manto        : "Teker se ka’dhimma se eampara ummi"
Mattowa    : "Teker se badha e langgar, senga’ paberse ye, pas pateppa’ amparanna, parapi!"

Manto        : "Enggi ummi, ampon beres, ajunan tak parlo kobater".

MATTOWA CAREME

Anak          : "Mas! Panjenengan samangken tadha' lakona?"

Manto        : "Adha’, arapa keng le’?"

Anak          : "Kaula nyo’ona ereng ka pasar."

Mattowa    : "Ella!! Ella!!! Mara engko’ aterragi ka arisan bai, ma’ pola ngenneng!"

Manto        : "Enggi!! Antos dhimen, abdina gi’ ngaterra ale’ ka pasar bu."

Mattowa    : "Ella ko! Engko’ ka adha’ bai, mon pera’ ka pasar jareya gampang. Engko’ arisan mi’ pola
                      ngenneng, areya kennengnga se raja sateya"

Anak          : "Manabi tadha' se ka pasar,  tadha' se andhi’e juko’ bu!"

Mattowa    : "Dina aguring tellor moso mie bai, ta’ parapa la."

Manto        :  "Kaula ta’ poron ka tellor sareng mie bu."

Mattowa    : "siyaaa, mon ba’na nampek wa!"

Manto        : "Banni nampek bu. Kaula alergi ka tellor sareng mie. Manabi ngakan tellor sareng mie kole’na
                      kaula pas ra-mera."

Anak          : "Tore mas! Kaula kaula ka adha’a!"

Mattowa    : "Be, ella!!! Engko’ taragi ka’adha’, dina ba’na nompa’ beca’ bai!"

Anak          : "Ka’dhinto kan rakana kaula bu."

Mattowa    : "Engko’ kan se towa’an.?!! Ba’na la-ngalae noro’ beca’."

Anak          : "Kaula tako’ se noro’a beca’ bu!"

Mattowa    : "Siya...mon ba’na jareya lakar manja."

Manto        : "Ambu, ta’ parlo atokar!!! Netene beca’ kabbi laju. kaula ajalana!!!"